Davao City – Nangangha ang mga Dabawenyo human usa ka 10-anyos nga batang lalaki ang mitabang sa pag-responde sa usa ka vehicular accident nga nahitabo sa Quimpo Boulevard niadtong Huwebes sa gabii, Abril 30, 2026.
Ang bata giila nga si Christ Nathan Fabracuer, anak sa usa ka trainer sa City Disaster Risk Reduction and Management Office (CDRRMO), diin nasayran nga gikan pa ang bata nagpalit og ice cream sa dihang nakita niya ang insidente ug wala’y duha-duha nga mitabang sa mga biktima.
Matud pa sa post sa amahan niini nga si Crispin Fabracuer, kanunay pa matud niya kining kauban sa mga trainings ug seminars, diin nakakat-on na sab kini og basic first aid ug life support, nga nigiya niini sa pagresponde sa insidente.
Gani, tungod sa iyang gipakita nga kaisog ug kasingkasing sa pagtabang, gitawag siya sa mga netizens nga “Batang 911.”
RadyoMaN Wil Duran
Facebook Comments
