OCD-XI: Magnitude 6.2 nga linog sa Davao Oriental walay damyos

Davao City – Gikumpirma sa Office of the Civil Defense (OCD-XI), walay natalang damyos ang 6.2 magnitude nga linog sa Manay, Davao Oriental alas 9:23 sa buntag kagahapong adlawa (Abril 19, 2022).

Sa interbyu sa DXDC RMN Davao kang Angie Payosalan, Information Officer sa OCD-XI, gibutyag niini sa ilang monitoring, walay nareport nga damages ug incidents human ang pagtay-og.

Samtang, ubay-ubay usab ang natalang aftershocks kagahapon nga anaa sa 3-4 magnitude ang kakusog.

“As to the reported damages, wala man ‘tay (natala). So far, wala ‘tay mga reported damages and incidents related to sa earthquake,” sulti ni Payosalan.

Saysay ni Payosalan, dako ang posibilidad nga adunay matala nga mga pagtay-og sa lugar tungod kay duol sa Philippine trench ang Davao Oriental tungod kay adunay dakong fault nga nagsubay sa coastal areas.

Gipasalamat usab sa OCD-XI official, luwas ang mga residente diin dako og tabang ang ginapahigayon nga earthquake drills sa pagpangandam kung unsay angay buhaton panahon sa linog.

RadyoMaN Kirby Manzon

Facebook Comments