OFW Families’ Welfare and Crisis Center Davao City gimontar

39
Davao City – Dako ang mamahimong tabang sa Overseas Filipino Worker (OFW) Families’ Welfare and Crisis Center of Davao City, usa ka bag-ong programa sa City Social Welfare and Development Office (CSWDO).

Ang maong programa namugna subay sa Ordinance No. 0411-20 diin kini usa sa mga Landmark Ordinances nga napasa sa 19th Davao City Council ubos sa liderato ni Vice Mayor Sebastian “Baste” Duterte.

Sumala ni Atty. Marlisa Gallo, Head CSWDO (sa interbyu sa city-owned radio), ang maong programa maoy mututok sa mga problema sa OFWs sa syudad ilabina gyud sa ilang nabiyaan nga pamilya.

Dugang ni Gallo, magsilbi usab nga coordinating office ang OFW Center sa mga national government agencies sama sa Overseas Workers Welfare Administration (OWWA) ug Philippine Overseas Employment Administration (POEA) ugaling adunay mga problema o ubang concern kabahin sa OFW o sa ilang pamilya.

“Pinaagi aning atoang OFW Center, pagatan-awon nato ang atoang mga OFW ug ang iyahang mga pamilya nga nabilin diria sa Davao City. So, mao ‘ni ang nakanindot niya kay mo-focus gyud siya didtoa sa pamilya sa OFW,” sulti ni Gallo.

Alang sa dugang pangutana, mamahimong i-contact ang ilang mga numero: 0999 994 3577 o sa (082) 228-6214.



Mamahimo usab nga mag-email sa ofwcenter.davaocity@gmail.com o kaha personal nga mubisita sa ilang opisina sa 5th Floor, CSWDO Main Office Building, A. Pichon St., Davao City.

RadyoMaN Kirby Manzon

Facebook Comments