CENRO Davao: Nahibiling election campaign materials maihap na lang

Davao City- Anaa na sa 100% ang clearing sa mga wala na lang malangkat o matangtang pa nga mga election campaign materials dinhi sa dakbayan sa Davao.

Sumala ni Davao City Environment and Natural Resources Office (Cenro) head Engr. Marivic Reyes atol sa interbyu sa RMN Davao, maihap na lang ang uncollected election posters sa mga kadalanan.

Giawhag usab ni Reyes ang mga kandidatong nanagan sa Eleksyon 2022 nga mangunay na sa pagpanglimpyo sa ilahang mga tarpaulins, posters o mga leaflets aron dili na kini mudugang pa sa mga basura.

Subay niini, nanawagan si incoming Vice President ug outgoing Davao City Mayor Sara Duterte-Carpio sa mga Dabawenyos nga ireport ang campaign materials nga wala pa nahipus base sa Executive Order No. 15, Series of 2022 kun mandating local candidates to retrieve, re-use, and recycle all national and local election campaign paraphernalia.

Matud niini nga kadaghan sa mga teams sa local candidate ang ni-comply ug kung aduna kiniy makita ug maagian iyaha kining ginapiktyuran ug ginapadala sa mga kandidato aron ma-retrieve ang mga election materials.

RadyoMaN Aimee Guinita

Facebook Comments