Problema sa yuta anggulo sa pagpusil sa magtiayon sa Digos

164
Davao City – Aduna nay persons of interest ang Digos City Police Station (PS) sa pagpusil sa magtiayon nga nanimuyo sa Purok Linao, San Nicolas, Barangay Tres De Mayo, Digos City, Davao del Sur, alas 3:30 sa kaadlawon niadtong Miyerkules (Oktubre 5, 2022).

Sa interbyu sa DXDC RMN Davao kang Police Lieutenant Hamlet Lerios, Acting Chief of Police (COP) sa Digos City PS, ang mga biktima mao si Reniel Candelaria ug iyang asawa nga si Gia Candelaria, caretakers sa usa ka Christopher Pareñas nga maoy daling mi-report sa kapulisan human sa insidente.

Sa imbestigasyon, samtang natulog ang magtiayon sa payag sa ilang amo, kalit na lamang kining gipabuthan sa mga suspek nga dali usab nga nisibat.

“May mga person of interest tayo. Iniimbestigahan pa. Aduna (daw) naga bahad-bahad (sa mga biktima). May problema sa yuta na ‘yan. Naay mga naga-claim sa ilang quarry dinha,” matud ni Lerios.

Narekober sa crime scene ang walo ka mga bala sa gituohang caliber 9mm pistol.

Dali usab nga gidala sa Davao Del Sur Provincial Hospital ang mga biktima nga luwas na sa makuyaw nga kahimtang.



RadyoMaN Kirby Manzon

Facebook Comments