Atol sa regular session sa SP-Malaybalay kagahapong adlawa, hiniusang giaprobahan sa konseho ang Barangay Ordinance no. 6 sa Casisang kung asa maghatag og quarterly financial assistance nga mukabat sa P250 sa mga nag edad 60-anyos pataas nga mga senior citizens matag household sa barangay Casisang.
Subay sa maong ordinansa, gikinahanglan lang nga miabot na sa usa ka tuig ang pagpuyo sa mga benipisyaryo sa naasoy nga barangay aron nga mahimong kwalipikado.
Mukabat sa usa ka milyon ka pesos ang budget nga nagahin alang sa maong programa para karong tuiga diin gibana-bana nga muabot sa 900 ka mga senior citizens ang matagaan.
Ginalauman usab sa SP-Malaybalay nga madani ang uban pang mga barangay nga makahatag usab og financial assistance sa ilang mga senior citizens diin sa entiro Malaybalay, ang Barangay Casisang ug Barangay 3 palang ang naka-implementar.
