P20M smuggled cigarettes nakumpiska sa Davao Occidental

Davao City – Mag-atubang og kaso ang onse katao human sila naaresto sa Naval Forces Eastern Mindanao ug sa Bureau of Customs (BOC) Port of Davao tungod sa pagpalusot og smuggled nga sigarilyo sa kadagatan sa Malita, Davao Occidental.

Sa report, sakay sa MB Marites ang nahisgutan aron i-deliver sa Digos City ang kapin 500 master cases sa mga mahalon ang iligal nga sigarilyo sa dihang sila naaresto sa awtoridad.

Sa interbyu sa DXDC RMN Davao kang Atty. Mohammad Ben-Usman, Deputy Collector for Administration sa BOC-Davao, gibutyag niini nga gibalhog na ang mga suspek ug gitakdang kasohan tungod sa pagpalusot sa maong mga kotrabando.

“Inisyuhan natin ng warrant of seizure and detention. That means, nahuli natin sila. We take possession. After that, we decide on the matter, the forfeiture. After forfeiture, kino-condemn natin ang iligal na sigarilyo,” matud niini.

Sa pagkakaron, gikustodiya na sa Naval Forces Eastern Mindanao ang vessel ug gitakdang i-turn over sa BOC Port of Davao.

RadyoMaN Kirby Manzon