Pagadianons ug Zambosurians, gipasalamatan sa ika-42 anyos sa RMN DXPR Pagadian

11
Pagadian City – Mga personalidad sa mga nag-unang News and Public Affairs program sa RMN DXPR Pagadian maoy unang nagpadangat sa ilang dakong pagpasalamat ngadto sa mga Pagadianon ug mga suking tigpaminaw sa tibuok Zamboanga del Sur ug kasikbit nga probinsya tungod sa walay puas nga suporta sa subra upat ka dekada na nga pagpanerbisyo sa sibyahanan.
Ang DXPR RMN Pagadian nagsaulog sa iyang ika-42 nga anibersaryo karong adlawa Enero 10, 2022 diin kabahin sa kasaulogan ang ipahigayon nga Santos nga Misa sulod sa sibyahanan.
Ang maayong relasyon nga na-establisar ngadto sa iyang mga tigpamati mao ang naghatag og inspirasyon sa DXPR nga maningkamot aron mapakusog ug mapanindot pa niini ang paghatud sa mga balita, impormasyon ug kalingawan sa kahanginan nga mao usab ang hinungdan nga nahimong number one ang sibyahanan sa mga survey nga gipanghimo.
Ang RMN DXPR Pagadian nahimugso niadtong 1980 diin 42 ka tuig nga nahimong mata, dunggan ug baba sa katawhan.
Facebook Comments