Paghinlo sa listahan sa 4Ps beneficiaries maayo nga lakang

70
Davao City – Gipasalamat sa netizens ang paghimo og lakang sa gobyerno aron malimpyohan ang listahan sa mga benepisyaryo sa Pantawid Pamilyang Pilipino Program (4Ps).

Usa lang si Mar Lognip sa mga netizens nga niingon nga ‘unfair’ ang programa tungod sa mga report nga adunay mga pamilya ang maoy naapil apan ang mga mas naglisod maoy wala naka-avail. Giingong kini posibilidad tungod sa giingong “palakasan” nga sistema.

“Dapat LNG Kay unfair SA uban Mao nay gi ingon palakasan LNG sapat na mga taking way pulos systems bulok!!!! Dami pang taong dapat tabangan hayssss tagam mga naka lingkod dool SA luwag Jud na ba [sic],” kumento niini.

Samtang matud sa netizen nga si Sand Barr, angay usab nga i-background check ang benepisyaryo pagsigurong gigasto sa sakto ang maong ayuda diin ang pipila ginagamit sa sugal.

“Korek! I background check ninyo ang mga beneficiaries ana kay ang uban gihimo ranang allowance, pag abot sa kwarta igo rana i inom og isugal. Ihatag na sa mga tinuod nga nanginahanglan kadtong mga tao nga need jud ang assistance [sic],” kumento niini.

Gibutyag ni Department of Social Welfare and Development (DSWD) Secretary Erwin Tulfo, halos usa ka million nga benepisyaryo sa 4Ps ang tanggalon sa listahan.



Matud sa DSWD official, ang mga bakanteng slots sa conditional cash transfer program itunol alang sa bag-ong benepisyaryo tungod kay daghan usab nga mga aplikante anaa sa waiting list.

RadyoMaN Kirby Manzon

Facebook Comments