Motibo sa Sta. Cruz shooting incident padayong gisuta

32
Davao City – Ginatan-aw karon sa Sta. Cruz Municipal Police Station (MPS) ang tanang anggulo labot sa pagpamusil sa Astorga, Sta. Cruz, Davao del Sur alas 5:23 sa hapon niadtong Sabado (Hulyo 9, 2022) diin usa ang samaran.

Sa interbyu sa DXDC RMN Davao kang Police Major Kristine Miraña, Chief of Police (COP) Sta. Cruz MPS, gibutyag niini nga gikan sa Hagonoy, Davao del Sur padulong sa Davao City ang duha ka lalaking biktima sakay sa Honda fit sa dihang sila gisundan sa usa ka van nga maoy nagpabuto og kaduha ka beses tumong sa ilang sakyanan.

Daling gipahunong sa biktimang driver ang sakyanan samtang daling nigawas sa behikulo ang iyang kauban maoy nakahiagom og samad pinusilan sa iyang tuong kamot, diin kini dali usab nga gidala sa ospital ug luwas na sa makuyaw nga kahimtang.

Aduna nay gitudlong suspek ang mga biktima diin kini usab dakong tabang sa nagpadayong imbestigasyon.

“As of now, based din sa interview sa mga biktima, meron silang mga possible suspects pero hindi lang nila mao ano (divulge) para hindi man ma-compromise ang investigation,” sulti ni Miraña.

Sa pagkakaron, padayon pang ginasuta sa awtoridad kung unsay motibo sa insidente.



RadyoMaN Kirby Manzon

Facebook Comments