Davao City – Padayon karon ang gihimong imbestigasyon sa pagpusil sa kapitan sa Barangay Kinuban, Maco, Davao de Oro kagahapon sa buntag (June 20, 2022).
Sa interbyu sa DXDC RMN Davao sa Mawab Municipal Police Station (MPS), giila niini ang biktima nga si Elizalde Malcampo, diin nahitabo ang insidente sa Barangay Andili, Mawab, Davao de Oro.
Saysay sa mga residente sa lugar, kalit na lamang silang nakadungog og daghang boto sa pusil ug didto nakit-ang nahagba ang kapitan human kini naigo sa iyang tiyan.
Gilayon gidala sa hospital ang biktima ug kritikal ang sitwasyon niini.
Ginasuta pa kung unsay motibo sa nahisgutang krimen kung aduna bay kalambigitan sa iyang trabaho isip politiko.
RadyoMaN Kirby Manzon
Facebook Comments
