Taas nga COVID deaths sa seniors natala sa Davao

45
Davao City – Giawhag sa Davao City Coronavirus Disease 2019 (COVID-19) Task Force ang mga senior citizen o mga edaran nga i-avail ang ilang booster doses batok COVID-19.

Gipasabot ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), sa datus sa vaccination cluster pinakataas nga ihap sa namatay tungod sa virus mao ang mga edaran.

“For week 36, ang atoang senior citizen nga namatay is actually 11 kabuok out of 19. So, please mga senior citizen, avail of your booster doses. Avail of it kay kamo gyud ang pinaka-highest number of death,” matud ni Schlosser.

Gibutyag ni Schlosser, unom usab sa namatay fully vaccinated apan wala naka-avail sa ilang una ug ikaduha nga booster doses.

Importante, matud sa health official ang pag-avail sa booster dose tungod kay kini dugang proteksyon batok sa makatakod nga balatian.

RadyoMaN Kirby Manzon

Facebook Comments