Panibag-o naman nga engkuwentro sa tunga sang Militar kag NPA nagluntad sa banwa sang Janiuay, Iloilo

Liwat naman nga nagluntad ang engkuwentro sa tunga sang Militar kag mga katapo sang New People’s Army ukon NPa sa barangay Barasalon, Janiuay, Iloilo kaina sang hapon.

Ini matapos nag-krus ang banas sang mga suldado kag mga rebelde alas 3 kaina sang hapon nga nag resulta sang pag-engkuwentruhanay sang duha ka grupo.

Naglawig sang kapin lima ka minutos ang engkuwentro sa tunga sang tropa sang 33rd Division Reconaissance Company kag kapin lima man ka mga miyembro sang NPA.

Matapos ang engkuwento, madasig nga nagpalagyo ang mga rebelde kon sa diin wala sang ginreport nga napilasan sa magtimbang nga bahin.

(c) web photo