Patay sa truck nga nahulog sa Tboli, misaka na sa 20 sumala sa Tboli PNP

83

*General Santos City— Misaka na sa 20 ang naitalang patay human mahulog ang elf truck sa pangpang sa boundery sa Sitio Lambangan ug brgy. Lamsolome sa Tboli South Cotabato.*

*Sumala kang Police Major Bernie Faldas, hepe sa Tboli pnp nga 15 ang gideklarang dead on the spot samtang adunay lima ang nadeklarang dead on arrival sa balay tambalanan.*

*Pamahayag niini nga adunay daghan ang nadala sa managlahing balay tambalanan sa probinsya sa South Cotabato kung asa aduna matud pay mga nagpabiling kritikal ang kahimtang.*

*Dugang pamahayag ni Pol. Maj. Faldas nga padayon pa nilang ginasuta kung pila gyud ang ihap sa sakay sa maong sakyanan nga sumala pa gikan sa usa ka resort dinhi sa dakbyan sa Gensan.*

*Sumala niya nga tulo ka anggulo ang ilahang ginatan-w nga hinungdan sa maong aksidente. Una, ang kondisyon sa sakyanan gumikan daan matud pa kini ug posibleng wala nakaya ang sitwasayon sa dalan.*

*Ikaduha, ang kondisyon sa driver, tungod posible matud pang gikapoy kini sa byahe gikan sa Gensan ug gituuhang nakatulog og dili sweto sa dalan ug ikatulo, ang dalan mismo gumikan luyo pa man sa sementadong dalan, risgo matud pa kining agian.*
*photo: ctto*

Facebook Comments