Davao City – Walay nakit-ang foul play sa nakaplagang patay’ng lawas sa Purok 6 Islamic Center sa Barangay 39-D Quimpo Boulevard ning dakbayan sa Dabaw alas-3 sa kahaponon kagahapong adlawa.
Nasayran nga ang maong biktima naila nga si alyas Sadam, 60 anyos nga taga ARMM.
Matod ni Sainodin Dima, renter sa maong lugar nga namatikdan niini ang lain nga baho gikan sa giukopahan nga kwarto ni alyas Sadam ug nasayran nga dugay na kini nga wala nagapakita kanila hinungdan nga ilang gisulod ang kwarto sa biktima.
Nakit-an nila si alyas Sadam nga naglingkod ug daw wala nay kinabuhi.
Pag abot sa kapulisan didto nasayran nga tulo ka adlaw nang patay ang biktima ug gituohang gi ataki kini sa kasing kasing.
Ang patay’ng lawas anaa na sa Angel Funeral Parlor.
RadyoMaN Don Pulayao
