PBBM, nakipagdayalogo sa kapwa APEC leaders at APEC Business Advisory Council sa Bangkok, Thailand

Nagsimula na ang dayalogo ng mga APEC leader kabilang na si Pangulong Bongbong Marcos at APEC Business Advisory Council o ABAC.

Ang dayalogo ay ginagawa sa Queen Sikirit National Convention Center sa Bangkok, Thailand na sinimulan alas-3:00 ng hapon, oras sa Thailand.

Sa opening message nina 2022 APEC Business Advisory Council (ABAC) Chair, Kriengkrai Thiennukul at APEC Chair 2022 General Prayut Chan-o-cha, prime minister ng Thailand, natukoy ang ang pagsulong ng mas maraming negosyo o micro, small and medium enterprises (MSMEs), economic recovery sa harap ng COVID-19 pandemic.


Nabanggit din ang usapin sa food security, green economy model, digitalization at iba pang mahahalagang usapin.

Ang APEC Business Advisory Council o ABAC ay isang pribadong sektor, na batay sa Asia-Pacific Economic Cooperation, pinakalayunin nito ay payuhan ang mga APEC official sa mga problema sa business interest maging ang paghahatid ng specific business information.

Facebook Comments