PERSONA, GINBUNO SANG KAUPOD SA PAG-INOM SA BANWA SANG PANITAN!

23
Panit-an, Capiz – Yara na sa maayo nga kondisyon ang 33-anyos nga lalaki nga nabun-an sang kaupdanan sini sa pag-inom sa Sitio Pangpang Barangay Calaan, Panitan, Capiz.
Ginkilala ang biktima kay Jurnie Deparon y Ledia samtang ang ginatudlo suspek ang nakilala kay Antonio Dela Pieza y Delfin, 24-anyos, lunsay residente sang nasambitan nga lugar.
Suno sa imbestigasyon sang kapulisan, pasado alas 3 natabo ang insidente kun sa diin magkaupod nga naga-inom ang duha sa poluy-an sang suspek.
Bangud kay lunsay na nga hubog, nagluntad ang pagsabtanay sa tunga sang mga ini.
Nagpadulong sa kusina ang suspek agud magkuha sang kusilyo kag ginbuno ang biktima sa likod.
Gindala sa Bailan District Hospital ang biktima sa banwa sang Pontevedra agod nga madapatan sang nagakaigo nga pagbulong samtang padayon nga atlarge ang suspek matapos ini ang insigida nga nagpalagyo sang makomiter ang krimen.
by: RadyoMaN Jiego Cabanus | September 29, 2022
Facebook Comments