PERSONA NGA LAKIP SA TARGET LIST SANG PDEA – 6, DAKOP SA BUY BUST OPERATION SA BANWA SANG PRESIDENT ROXAS!

36
President Roxas, Capiz – Arestado ang 24 – anyos nga lalaki sa ginkasa nga drug buy bust operation sang mga katapo sang Philippine Drug Enforcement Agency(PDEA – 6) sa Sitio Redland, Barangay Poblacion(Elizalde), President Roxas, Capiz.
Ang subject person ang ginkilala kay Brian Miguel Estores, residente man sang nasambitan nga lugar.
Naglab-ot sa siyam(9) tanan ka sachet sang suspected shabu ang narekober sa posesyon ni Estores lakip ang buy-bust money nga P5,000 kag coin purse.
Suno sa impormasyon, anay isa ka drug surrenderee ang amo nga persona kag lakip sa regional target-list sang Philippine Drug Enforcement Agency(PDEA).
Ang amo nga persona ang natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
📷 – Punong Barangay Jeffrey Dela Cruz
Facebook Comments