Personal grudge ug kalambigitan sa droga motibo nga gisundan sa kapulisan sa pag pusil patay sa labor sa fishport

15

General Santos City–Personal grudge ug ang kanhi niining kalambigitan sa iligal droga ang ginasundan karon sa Police Station 4 nga motibo sa pagpamusil patay sa wala mailhing suspect sa usa ka fish port labor nga si Francis Falsario, 31 anyos ug nanimuyo sa Daroy Compound, Prk. Upper Malakas, Barangay San Isidro ning syudad.

Sumala pa ni Police Captain Davis Dulawan ang hepe sa Police Station 4 nga basi sa ilahang nahimong pagsuta mikanayon matud pa ang asawa sa biktima nga niadtong milabay nga simana adunay nakabikil ang biktima sa iyahang gitrabahuan ingon man kanhi na kining nga na-tokhang ug nagsurrender na sa kapulisan tungod usab sa iligal nga droga.


Sa kasamtangan gawas sa duha ka mga anggulo wala man usab gibaliwala sa Police Station 4 ang uban pang posibleng motibo sa maong pagpamusil ug kasamtangan ilaha naman usab gonasuta ang mga posibleng kuha sa CCTV sa maong area sa posibleng pagkaila sa mga suspect.

Dugang pa ni Police Capt. Dulawan nga sa karon aduna naman usab silay ginasundan nga person of interest sa maong kaso ug nagapangita nalang sila ug konkretong ibidensya aron nga mapasakaan ug kaso ang suspect.(Dave Silagan)

Facebook Comments

From Advertisers