Nagpaabot ng pakikiramay ang pamahalaang lungsod ng Quezon City sa pagpanaw ng isang ginang na nakapila sa Assistance to Individuals in Crisis Situation (AICS) payout sa Risen garden ng city hall.
Nagpaabot na ng burial assistance ang Local Government Unit (LGU) sa pamilya ng residente.
Ire-refer na rin umano ang kaniyang bunsong anak para maging bahagi ng scholarship program ng lungsod.
Patuloy na nakikipag-ugnayan ang lokal na pamahalaan sa pamilya ng ginang upang alamin kung paano pa sila maaaring matulungan.
Nangako naman ang LGU na rerepasuhin ang pagpapatupad ng mga protocol, partikular sa usapin ng kaligtasan sa lahat ng aktibidad sa City Hall compound.
Sa imbestigasyon ng Quezon City Police District (QCPD), habang nakapila si aling Marlene kasama ang iba pang mga benepisyaryo, bigla itong nawalan ng malay at bumagsak nang pasubsob sa semento.
