PNP-Bukidnon anaa sa full alert status na upat ka adlaw sa dili pa ang eleksyon, samtang nahitabong pinusilay sa Pangantucan kagahapon, gi-imbestigahan na

39
Anaa na sa full alert status karon ang tibook pwersa sa Philippine National Police (PNP) sa Bukidnon upat ka adlaw sa dili pa ang piniliay karong Lunes, May 9,2022.

Pasabot nga andam na ang kapulisan sa paghatag seguridad sa katawhan.

Sa interview sa RMN ngadto kang Police Maj. Jisselle Longakit, ang spokesperson sa PNP Bukidnon gibutyag niini nga naka-alerto na ang kapulisan sugod karong semanaha samtang nagsingabot ang eleksyon.

Matud ni Longakit nga niabot na kagahapon ang dugang personahe sa kapulisan gikan sa regional headquarters isip augmentation sa umaabot nga piniliay.

Lauman matud pa nga ma-deploy na kini sa nagkadaiyang polling centers ugmang adlawa o kaha sa Sabado.

Sa karon, gibutyag ni Longakit nga wala pay natalang election related incident sa probinsya.



Gibutyag niini nga ang nahitabong pinusilay sa P-5, Mendis, Pangantucan, Bukidnon kagahapon sa hapon, gipailawom pa kini sa hugot nga imbestigasyon kung masulod ba sa parameters sa election related incidente.

Sigun sa opisyal nga suspected –election related incidents pa kini karon.


Nasayran nga adunay nahitabo nga pinusilay kagahapon sa hapon nga naglambigit sa duha ka matud pa sa supporter sa magpapili sa pagka mayor sa Pangantucan.

Kung asa usa ang patay nga giilang si Nestor Los Banos, 56 anyos, minyo, drayber ug mekaniko ni Christopher Garces, Mayoralty candidate, ug resident sa stranger village, Poblacion, Pangantucan samtang samdan ang usa nga si Aniceto Barinyan, 47, minyo, miyembro sa Task force ni Mayor Silva, ug residente sa P-5, Gandingan, Pangantucan.

Usa sa tutukan sa kapulisan ang posibleng kasupakan sa COMELEC election gun ban.

Facebook Comments