ILIGAN CITY- Nagtoo si PNP City Director Police Senior Superintendent Leony Roy Ga nga dili lang away sa kapulisan ang problema sa druga apan away kini sa tanan o sa kinatibuk-ang tawo sa nasud.
Kini human nagmala-omon siyang masumpo na gayud ang problema sa illegal nga druga sa nasud human gibalik ngadto kanilang mga sakop sa kapulisan ang tahas sa pakig-away o pagsumpo sa illegal nga druga.
Matud ni Ga, daku ug tabang ang kominudad ilabi na ang nagkadaiyang sector sa pagsumpo sa illegal nga druga sa nasud kun ihatag lang nila ang koordinasyon sa mga otoridad.
Gani, usa usab sa gitumbok ni Ga nga adunay dakung impluwensya aron mahatagan ug giya kadtung mga na-ulipon na sa ginadiling druga sa pagbag-o na karong panahona mao ang anaa sa religious sector.
Daku ang panlantaw ni Ga nga sa ikaduhang higayon sa gihatag kanila nga pagsalig ni Presidente Rodrigo Duterte maningkamot sila aron mamahimong drug free ang nasud.
Facebook Comments
