PNP Lantapan, giklaro nga wala gi-rape ang babayeng menor de edad nga nakaplagang patay kagahapon

Giklaro karon sa Lantapan Municipal Police Station nga wala gilugos ang babayeng menor de edad nga nakaplagang patay kagahon.

Kini human nikatap sa social media nga gi-ingong gi-rape matud pa ang biktima.

Sa interview sa RMN ngadto kang Police Major Jayvee Babaan, ang hepe sa Lantapan-PNP gibutyag niini nga basi sa ilang imbestigasyon, purely pagpatay matud pa ang nahitabo.

Matud ni Babaan nga nakaplagan na usab nila kagahapon ang duha ka mga suspetsado.

Una niini, nakaplagan alas 7:30 sa buntag kagahapon ang patay nga lawas sa maong 16 anyos nga babae sa Purok 4, Barangay Kulasihan, Lantapan, Bukidnon.

Sigun sa hepe nga gibutyag sa suspek nga naka-inom sila samtang gibuhat ang pagpatay sa biktima. Nasayran usab nga wala gilugos ang biktima ug dili usab tulis ang motibo tungod kay anaa ra usab ang cellphone sa biktima.

Gisaysay matud pa sa mga witness nga gikan sa diskuhan ang biktima ug ni-angkas kini og motor.

Basi usab daw sa saysay sa usa ka suspek nga sila ang nagbuhat sa pagpatay ug aduna matud pa kini kinambrasan sa nawong.

Gikonsidera karon sa kapulisan nga sulbad na ang kaso human nadakpan ang duha ka mga suspek nga sila si Emir Santimas ug Romnick Paga nga pulos taga Lantapan kagahapon ug nakatakdang pasakahan og kaso karong adlawa.

Facebook Comments