PNP: Nag-warning sa motorista tungod sa sagunsong road accidents

Davao City – Nagpahimangno sa mga motorista si Police Major Jun Bautista, station commander sa Maa Police Station human sa sunod-sunod nga nahitabong disgrasya sa dalan dinhi sa syudad sa Davao.

Sa interbyu sa DXDC RMN Davao kang Major Bautista, gipahinumdom niini sa mga motorista nga kinahanglang masigurong kondisyon ang sakyanan una mubiyahe. Kinahanglan usab nga kondisyon ang driver ug importante ang pagtuman sa road courtesies aron luwas ang pagbiyahe.

“Kailangan bago tayo umalis ng garahe o bahay natin, kailangan ay road-worthy talaga ang sasakyan natin, na-check natin,” sulti ni Bautista.

Kagahapong adlawa (Hulyo 5, 2022), tulo ka mga aksidente sa dalan ang natala sa syudad. Una, sa Bangkal diin natumba ang L300 van. Ikaduha sa Diversion Road, Maa diin walo ka sakyanan ang nalambigit. Samtang usa ka motor ang naipit sa bus sa Quimpo Boulevard ning dakbayan sa Davao.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments