Atty. Reuben Canoy nga maoy nagdumala sa radio program nga "perspective" sa mga rmn stations mipanaw sa edad nga 93

Cagayan de Oro City – Ang inila ug tinahod nga komentarista sa radyo ilabina sa programa nga “Perspective” sa sibyahanan sa RMN dinhi sa Kabisay-an ug Mindanao nga si Atty. Reuben R. Canoy ang nipauli na sa langitnong puloy-anan kaganinang alas 8:55 sa gabie.
Gikumpirmar ni Rhona Canoy nga anak sa banggiitang komentarista nga si anhing Atty. Reuben Canoy.
Sumala pa niini nga nakabsan sa kinabuhi iyang amahan alas 8:55 kagabii, Martes, Hulyo 5, 2022.
Sa usa pud ka FB post mipadayag sa iyang mensahe ang kasamtangang Executive Vice President sa RMN Inc. nga si Mr. Enrico Canoy: “Rest in Peace Lolo Reuben Canoy.
Mahinumduman nga si Atty. Canoy kanhi Mayor sa Cagayan De Oro City ug gibantog iyang mga kometaryo, pakigbisog sa Federalismo ug uban pang maayong gawi.
Gikan kanamo sa 96.7 iFM ug DXPR 603, atoang pahasubo sa tibuok Canoy nga pamilya.
Facebook Comments