PNP: Pagpanimalos, giingong motibo sa pagpusil-patay kang Sgt. Asio

Davao City – Aduna nay person of interest ang kapulisan sa suspek nga mipusil-patay kang Sergeant Rene Asio, 32 anyos, sundalo, minyo taga Agusan ug kasamtangang nagpuyo sa Purok 7, San Jose, Poblacion, Montevista, Davao de Oro.

Sa interbyu sa DXDC RMN Davao kang Police Captain Alvin Atienza, Acting Chief of Police (COP) sa Montevista Municipal Police Station (MPS), work-related ang posibleng motibo sa krimen, diin nakigkoordinar na usab karon ang kapulisan sa mga saksi ug kabanay sa biktima nga posibleng nakaila sa suspek.

Dugang ni Atienza nga ilaha pang ginasubay ang ubang closed-circuit television (CCTV) footages aron mas mailhan ang identity sa suspek ug kung gisundan ba kini gikan sa ilang balay padulong sa botika sa Purok 4, Barangay Bankerohan Sur, Montevista asa kini gipusil sa kapila ka higayon gamit ang caliber .45 pasado alas 8:00 sa gabii niadtong Sabado, Enero 21, 2023.

“Ang ginatan-aw namo na motibo is vengeance because ang person of interest namo is nadakpan then napriso tungod sa pagdakop sa unit nung biktima natin na sundalo,” sulti sa pulis.

Samtang, gibutyag sa police official nga luwas na usab ang naangol nga saleslady sa botika nga nakaangkon og minor injuries nga gilayon usab nga gidala sa ospital.

RadyoMaN Kirby Manzon

Facebook Comments