Ang naasoy nga kompanya mao ang JIMWEN Construction and General Merchandise nga gipanag-iyahan ni Jaime CaƱete kinsa miduso og petisyon kabahin sa duha ka drilling deep well projects sa Barangay Simaya ug Mapolo sa Malaybalay City tuig 2012 nga sumala pa wala mabayaran sa lokal nga pangagamhanan diin mukabat ngadto sa kapin 900 mil ka pesos ang kantidad nini.
Pinasikad sa COA Proper Case no. 2022-879, nga mao ang petisyon sa money claims sa maong kompanya, gihisgutan sa Sangguniang Panglungsod (SP)-Malaybalay City Regular Session adtong Martes, Enero 17, 2023 ang maong petisyon.
Sumala ni Atty. Julius Barroso, City Legal Officer ug dinapit nga bisita sa maong session, gibutyag niya nga Enero 9,2023, nadawat sa opisina sa Mayor ang maong kamanduan gikan sa COA diin gihatagan lamang og 15 diyas aron nga makatubag niini.
Miabot sumala pa sa pila ka tuig ayha nakaduso og money claims ang maong kompanya gumikan sa issue sa panglawas sa nanag-iya sa maong construction firm ug gikasayran nga na-revert ang pondo niini ngadto sa general funds tuig 2017, lima ka tuig human ang pagkakompleto sa proyekto.
Isip pagtubag, giaprobahan ang usa ka resolusyon nga giduso ni Konsehal Cromwell Dinlayan, Chairman sa Committee on Rules, Codification and Laws nga mag-otorisa sa Mayor ning siyudad nga si Atty. Jay Warren R. Pabillaran nga maoy manubag og murepresenta sa lokal nga pangagamhanan sa Malaybalay kabahin sa giduso nga petisyon.
Sa karon, ipailawom pa sa pagtuon ang maong petisyon ayha muhatag og tubag ang City Mayorās Office ngadto sa buhatan sa COA.
