PRO-XI: Multi-Agency Coordinating Center (MACC) imontar alang sa eleksyon

41
Davao City – Giduso karon sa Police Regional Office (PRO)-XI ang pagbaton og Multi-Agency Coordinating Center (MACC) isip pagpangandam sa May 9, 2022 Election diin ang nagkadaiyang ahensya sa gobyerno ug grupo sa Media, isahon sa usa ka lugar.

Atol sa One Davao on COVID-19 Virtual Presser, gibutyag ni Police Major Eudisan Gultiano, tigpamaba sa PRO-XI, tumong niini aron mapangandaman ang seguridad sa piniliay ug sa safe and fair election.

“Magkakaron po tayo ng parang simulation exercise kung saan we will be inviting representative from different agencies to join us. Para po i-check po natin, i-reassess natin kung ano ‘yung mga needs pa na gagawin,” sulti ni Gultiano.

Usa usab sa tutokan sa awtoridad ang mga Areas of Immediate Concern o kadtong mga lugar nga adunay presensya sa communist terrorist groups (CTGs) diin adunay gi-ilang unom (6) ka lugar sa Davao de Oro, usa (1) sa Davao Oriental, ug usa (1) sa Davao del Sur.

Samtang, aduna usay gitawag nga Areas of Election Concern o mga lugar o munisipalidad nga nagbaton og intense political rivalry history diin anaa sa unom (6) ka lugar ang gimonitor sa Davao del Sur, usa (1) sa Davao de Oro ug usa (1) sa Davao Oriental.

RadyoMaN Kirby Manzon

Facebook Comments