Davao City- Wala na-surpresa ang usa ka konsehal sa Davao City human nakakuha si Mayor Inday Sara Duterte-Carpio og 90.87 rating bag-uhay lang gikan sa publiko.
Sa interview sa DXDC RMN Davao kang Majority Floor Leader Davao City Councilor Bernard Al-ag, gisulti niini nga gihimo sa Mayor ang iyang trabaho ug gihatag ang kinamaayohan niini alang sa publiko.
Subay usab sa maong survey, sumala pa nga nag expect pa og daghan ang mga dabawenyo kang Mayor sa musunod pa nga mga bulan sa pagdumala sa syudad.
Sa panan-aw ni Al-ag, nahibalo siya nga naningkamot ang alkalde alang sa kaayuhan sa katawhan apan kinahanglan pa og dugang pagkugi isip ehekutibo dinhi sa Davao.
Dugang ni Al-ag, kinahanglang hatagan pa og dugang atensyon ang katawhan sama sa pagtutok sa health care services.
Kahinumduman nga sa bag-uhay lang nga gipagula nga resulta sa survey nga gihimo sa University of Mindanao-Institute of Popular Opinion kaniatdong October 11 kutob October 21, nakakuha si Mayor Inday og 90.87 rating gikan sa publiko sa iyang administrayson sa syudad.
RadyoMaN Renz Barbarona
