Zamboanga City- Ya conduci dos dias Regional Media Seminar el US Embassy del Febrero 22-23 na Manila que ya atende el mas o menos veinte maga miembros del prensa con quien ya escuhi na entero nacion .
El tema del seminar “ Journalists’ Role in Promoting Human Rights “ , donde el objeto amo para omenta el saber del maga prensa si kimodo aguanta el asunto de Human Rights , especialmente aquellos ta keda victima civilian man o mismo maga miembros del prensa .
El maga Speakers que ta sale pa desde na diperentes maga grupo o organization , ya esplika con maga media si kimodo de grande el problema o mucho quien ta keda victima de Human Rights aqui na pais .
Mismo el media kimodo defende con diila cuerpo keda victima de Karne Humano , despues prohibi maga alto opisyales cubri cun tal incidente que tiene violacion de Human Rights .
El maga topic que ya discuti ta incluhi el Human Rights in the Philippines :The Criminal Justice System que ya discuti si Atty.Jose Manuel Icasiano Diokno un Human Rights Lawyer Founding Dean, De La Salle University College of Law Chairman, Free Legal Assistance Group, si kimodo de mahina el Legal System Aqui na pais ,El War on Drugs del Presidente Rodrigo Duterte que ta afecta conel Justice system del pilipinas , “ Sustaining Democracy Through Human Rights Reporting “ Melinda Quintos De Jesus el Executive Director del Center for Media Freedom and Responsibility , ya discuti si kimodo sustene el democracia pormedio de Human Rights Reporting , “ Nature of Rights and International Human Rights Enforcement Arms “ di Jemy Gatdula del International Law Lecturer , School of Law and Governance University of Asia and the Pacific , “ Covering Human Rights Cases in the Philippine” di Floreen Simon el Training Director Philippine Center for Investigative Journalism , “ Journalists as Human Rights Victims “ ya discuti si Jose Jaime Espina Director del National Union of Journalists in the Philippines , donde ya dale este mira el statistics del media que ya muri tiene que ase na diila trabaho desdel 1986 mas de 177 maga miembros del media el con quien ya likida y na termina del presente administracion ta alcansa ya na cinco maga miembros del media el ya muri , donde el mas manada media ya muri na rehiyon de Mindanao que ya alcansa na 98 , mientras el Segundo el Luzon 66 y Visayas 18 , tiempo tambien del Presidenta Gloria Macapagal Arroyo el mas alto numero del media ya muri que ta alcansa na 103 , ta Segunda el tiempo del Presidente Noynoy Aquino 85 y despues el tiempo del Presidenta Corazon Aquino 18 , si Espina ya habla kay hasta aura ta continua recivi amenaso el maga media desde con maga Politiko y otro Threat Groups .
Mientrastanto , si Ed Lingao el Former Director Multimedia Sector , PCIJ el ya discuti sobre el “ Creating Awareness and Promoting Human Rights Through Multimedia , ya dale ele mira si pakimodo debe keda resourceful el un media maskin menos de este maga ekipo , maskin nuay este maga high-tech camera , “ A Personal Account: Documenting the War on Drugs “ di Raffy Lerma un Freelance Journalist quien ya keda bien nombrao despues su letrato keda viral na social media despues Publica na Inquirer despues puede este captura el victima de Extra Judicial Killing o EJK este presente administracion .
Na aka Segundo Session ya discuti tambien con maga Regional Media el “Reporting on Human Rights Violations” an International Perspective desde con Ana Arana un Investigative Journalist , “The Role of Philippine Civil Society Groups in Protecting Human Rights desde con Rose Trajano el Secretary General del PAHRA
Por ultimo ya rindi miles de gracias el mismo Press Attaché Molly Koscina del US Embassy despues sirbi sila como el camino para dale el omento saber con maga media si kimodo enfrenta con el noticia tiene violacion de Human Rights. -Melanie Guanzon
