resolusyon alang sa pag-extend kang col. layugan isip city director sa gensan, gipasar sa konseho

*General Santos City——- Gipasar sa hawanan sa konseho ang resolusyon nga pagduso sa pag-extend kang Police Senior Superintendent Maximo Layugan isip City Director sa General Santos City Police Office.*
*Ang maong resolusyon ang nakatakdang ipadala kang Police Director General Ronald “Bato” Dela Rosa kini human ang nahitabong pormal nga turn over of command kagahapong adlawa sulod sa Camp Fermin Lira.*

*Pag-angkon sa mga konsehal nga kini ang unang higayon nga aduna silay opisyal nga gibabagan ang paghawa sa pwesto ug gibaagan ang paglingkod isip City Director sa dakbayan.*
*Gani wala matud pa silay nakit-ang hinungdan aron nga ilisdan si Col. Layugan bisan ug miabot na kini ug duha ka tuig sa iyahang pwesto gumikan aduna na may mga opisyal kaniadto nga miabot ug tulo katuig o kapin pa sama nalang sa naunang City Director nga si Police Chief Superintendent Froilan Quidilla.*

*Usa sa mga nahimong rason nila aron nga ipabilin o ipa-extend si Col. Layugan sa pwesto mao ang maayong performance niini gani nakatakda kining imbitahan sunod semana atol sa regular session aron mahatagan ug pasidungog ug pagpasalamat.*
*Apan, ilaha matud pang irespeto uns amang ang mamahimong tubag sa labaw sa kapulisan higayon nga dili niini tugutan ang pag-extend sa iyahang pwesto. (LORE MAE V. ROMUALDO)*


Facebook Comments