General Santos City–Dead on arrival sa ospital ang usa ka retiradong empleyado sa gobyerno nga nailhang si Arnold Rivera, 65 anyos nga taga Purok Crisostomo, Barangay Calumpang human kalit nga natumba sulod sa usa ka video-k bar nga nahimutang sa maong barangay.
Alas 11:00 ang takna sa gabie dihang misulod sa sun flower KTV bar nga nahimutang sa 2nd road barangay Calumpang ang nahisgutang biktima aron sa paglingaw-lingaw.
Apan kalit lang matud pa kining natumba mao nga gidalig dala sa Lovella Hospital apan gideklara kining dead on arrival.
Sa inisyal nga imbistigasyon sa kapulisan nga sakop sa Police Station 5, balatian maoy gituohang hinungdan sa kamatayon sa nahisgutang biktima gumikan aduna matud pa kini mga gihambin nga balatian.
Samtang wala usay nakit-ang foul play ang kapulisan sa kamatayon sa nahisgutan.
