Sumala kang Baliok Police Station Chief of Police Major Romeo Mapanao Jr nga hangtod karon wala pa higkita ang lawas ni John Alfred Amalias, 19 anyos, nagpuyo sa samang dapit human kini nalumos tungod sa kadagko sa balod kagahapong adlawa.
Giingon ni Major Mapanao nga ang amigo niini nga si Harvey Prince Momo, 13 anyos mao ra’y nakita sa mga rescuers apan patay nang miabot sa ospital bandang 5:00 sa hapon.
Matod ni Mapanao, nagpakitabang ang pamilya sa mga biktima sa mga otoridad dihang wa na higkita ang duroha sa dagat, apan bugtong si Momo lamang ang narekober ug ang lawas ni Amalias na missing na.
Kagahapon adlawa, dunay nagpatigbabaw nga Hanging Habagat ang nasod hinungdan dagko ang balod nga nasinati sa kadagatan sa dakbayan kagahapon adlawa.
RadyoMaN Joel Viray
