Roxas City, may isa ka kumprimado nga kaso sang COVID 19 kahapon nga adlaw; 80-anyos nga COVID positive nga taga-Barangay Tanque, ginbawian na sang kabuhi!

16

Roxas City, Capiz – May yara sang isa (1) ka dugang nga CoVid-19 confirmed case nga nabalhag sa syudad sang Roxas kahapon nga adlaw, Setyembre 15, 2020.
Ang ika-158 nga positive case ang isa ka 25- anyos nga lalaki, Health Worker sang Department of Health(DOH) kag pumoluyo sang Brgy. Lawaan, Roxas City apang siya naka-assign sa banwa sang President Roxas.
Sa pihak nga bahin, ginbawian sang kabuhi kahapon nga adlaw ang 80-anyos nga senior citizen nga lalaki sang Barangay Tanque, Roxas City. Siya ang nagtaliwan samtang ginabulong sa isa ka pribado nga ospital sa syudad.
Subong, ang Roxas City may yara sang 57 ka aktibo nga kaso, 84 ka mga nakarekober samtang 17 na ang ginbawian snag kabuhi.
Nahibaluan nga sa kabug-osan nga kaso 314 sa bilog nga probinsya sang Capiz, ang Roxas City ang may yara sang 158 ka mga kumpirmado nga infected sang COVID-19.


<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments