Nadakpan sa gipahigayong drug buy-bust operation sa mga kapulisan ang usa ka sales boy takna alas 10 sa gabie adtong Biyernes didto sa Purok-10, Poblacion, Cabanglasan, Bukidnon.
Giila ang suspetsado nga si Joebert Lawas, 29 anyos, ulitawo, sales boy sa usa ka lechonan sa manok, ug residente sa Purok 2, Minsamungan, Quezon, Bukidnon.
Napalit sa poseur-buyer nga usa ka pulis gikan sa suspetsado ang usa heat sealed transparent plastic sachet nga mikontinar og drogang shabu nga mitimbang og 0.08 gramos ug mikantidad og P500. Narekober usab ang usa ka P500 bill.
Gidala na sa Cabanglasan Municipal Police Station ang suspetsado lakip ang mga nakompiskang ebidensiya nga iturn-over sa PNP Provincial Forensic Unit alang sa eksiminasyon.
Samtang ginaandam ang kaso sa paglapas sa Article II, sections 05 ug 11 sa R.A. 9165 kon Comprehensive Dangerous Drugs Act of 2002 batok sa dinakpang suspetsado.
Facebook Comments
