Davao City – Angayan lamang nga modagan pagka-presidente si Davao City Mayor Inday Sara Duterte Carpio sa 2022 presidential election aron iyang mapadayon ang mga prayoridad ilawom sa administrasyon sa iyang amahan nga si Pres. Rodrigo Duterte sa mosunod pang unom ka mga tuig.
Sumala ni Candido Aparece sa Mindanao Peoples Caucus, mao na kini ang tsansa nga mapadayon ni Inday ang mga nasugdan na nga mga programa ug proyekto alang sa kalamboan sa iyang amahan.
Nagtoo si Aparece nga makaya na sa mayora ang pagdumala sa mas daku nga area tungod kay duna na siyay kasinatian isip mayor sa Davao ug abogado usab kini.
Gipasabot usab ni Aparece nga maayo usab ang batan-on tungod kay daghan og mga bag-ong pamaagi ug ideya diha sa may epektibong burukrasya.
Samtang gitataw usab sa Coordinator sa Mindanao Peoples Caucus nga daghang mga babaye na ang nahimong pangulo sa ubang mga nasud lakip na dinhi sa Pilipinas sama ni former Pres. Corazon Cojuangco Aquino ug Gloria Macapagal Arroyo.
Gawas sa duruha, ilado usab nga mga global women leaders sila si former Israeli Prime Minister Golda Meir, Indian President Indira Gandhi, British Prime Minister Margaret Thatcher kinsa giila nga ‘The Iron Lady,’ former Sri Lankan leader Sirimavo Bandaranaike, Burmese democracy icon Aung San Suu Kyi ug uban pa.
Giingon usab ni Aparece nga sama kang Duterte kinsa gamay lamang og national political exposure tungod kay pang-mayor lang kini apan despite niana nga klase sa limitasyon, karon nahimo mang ilado ug sinaligang pangulo sa nasud-Pilipinas.
RadyoMaN Bernard Pantallon
