General Santos City—Usa ang patay , usa ang sikop, samtang duha ang nag negatibo sa gihimong Search Warrant operation sa kapulisan nga gipangunahan sa Regional Police Drug Enforcement Unit sa Purok Tinago ug Purok Islam, Barangay South Gensan ala 1:00 ang takna kaganinang kabuntagon.
Giila ang namatay nga si Crispio Liquit, legal age, residenti sa Purok Tinago, Barangay South kansa misukol sa kapulisan dihang gihimo ang operasyon. Samtang samdan ang giilang si Neil Dayupay, legal age, residenti sa maong purok.
Nag negatibo usab sa maong operasyon si Barangay Kagawad Taha Abubacar, ug Yusop Molok kansa apil sa mga target sa maong operasyon.
Sa report sa RPDEU, dungan nga gisulod ang panimalay sa upat nila ka mga target, apan nisukol ang suspek nga si Liquit mao nga napusilan sa mga pulis. Narekober sa panimalay niini ang usa ka unit sa magnum 357, ug tulo ka mga bala.
Samtang nakuha sa posisyon sa suspek nga si Dayupay ang usa ka unit sa Granada ug (3) ka sachet sa gituohang shabu.
Gikaingong mga drug surfacing personality ang upat ka mga target sa maong Search Warrant operation.
