Selebrasyon sang Sinadya 2019, generally peaceful suno sa hepe sang Roxas City PNP!

34

Roxas City, Capiz -Ginpahayag sang hepe sang Roxas City PNP nga si Lt. Col Ricardo Jomuad Jr nga nangin generally peaceful ang selebrasyon sang Sinadya 2019 sa syudad sang Roxas. Ginsiling sini nga base sa ila monitoring, wala sang may narekord nga major related crime incident sa panahon sang selebrasyon. Ang nalista nga isa ka kaso sang physical injury ang na-refer naman sa barangay justice. Sa sulod sang pito ka adlaw, naglab-ot sa 518 ka mga PNP contingents ang gindeploy sa mga venue sang event sa diin may yara man sang augmentation forces nga naghalin sa Capiz PPO kag PRO-6. Subong nga adlaw ginpatigayon ang culminating activity kag awarding ceremony para sa pagtapos na sang deployment sang mga katapo sang kapulisan sa Sinadya 2019. Sa iya mensahe, ginpasalamatan ni OIC Provinvincial Director Col Julio Gustilo Jr ang tanan nga nangin kabahin sang deployment nga nangin malinong ang selebrasyon sang Sinadya 2019.

Facebook Comments