Sinakong uling-nakumpiska sa Malungon

13

General Santos City—Mukabat sa 20 ka sinakong uling ang nakumpiska sa kapulisan nga sakop sa Malungon PNP uban ang MENRO-Malungon sa may barangay Nagpan sa maong lungsod alas 10:00 ang takna sa buntag sa nakalavbayng adlaw.

Una nang nakadawat ug report ang kapulisan nga matud pa dunay mga sinakong uling sa lugar, gilayon man kining girespondihan sa kapulisan diin naghimong positibo ang report apan wala na maabtan ang nanag-iya sa nagbilin sa mga sinakong uling.


Gikarga na lamang sa kapulisan ngadto sa sakyanan ang uling ug gidala sa buhatan sa MENRO aron tua ikustudiya.

Sa karon ginaimbistigahan pa sa kapulisan kung si kinsa ang nanag-iya sa giabandonang uling ug kung kini maidentify posibleng ila kining pasakaan ug kaso.

Facebook Comments

From Advertisers