Daang Bangi-motibong gitutukan sa kapulisan sa pagtiro ug pana sa usa ka mag-uuma sa Malapatan

17

General Santos City–Gikumperma sa Malapatan PNP nga personal grudge ang usa sa mga motibong gitutukan nila karon kalabutan sa pagtiro ug pana sa biktimang si June Malagante, 50 anyos nga taga Sitio Tokablao, Barangay Patag, Malapatan, Sarangani Province diin suspek sa krimen ang silingan ra sa biktima nga si Esda Landelis, legal age, alas 9:00 ang takna sa gabie niadtong domingo.

Matud ni Police Major Jonit Nicolas, Hepe sa Malapatan PNP nga basi sa ilang gihimong pag-imbistiga sa pamilya sa biktima duna nay daang bangi ang nasampit ug ang suspetsado.


Nasayran nga gipasakaan ug kaso sa biktima ang suspek human siyang gisulong sa nahisgutan bitbit ang armas ug lagaraw usa ka bulan kapin na ang nakalabay.
Dugang pagbutyag ni Police Major Jojit Nicolas nga at large pa hangtod karon ang suspertsado. Una nang giangkon sa opisyal nga dihang mireport sa ilang buhatan ang anak sa biktima, wala nila dayon kini marespondihan gumikan sa tumang kalayo sa lugar.

Ilang advise nalang sa pamilya sa biktima pasakaan ug kasong attempted murder ang suspek pinaagi sa regular filing. Ang biktima sa kasamtangan ang luwas na sa kuyaw nga kahimtang nga nakaconfine karon sa usa ka hospital dinhi sa syudad.

Facebook Comments

From Advertisers