Sitwasyon sa panlawas ug pangidaron ni FPRRD, rason sa kabalaka sa daghang Dabawenyo

Mibaniog na sab ang pangalang “Duterte” o “FPRRD” dili lang sa Davao apan bisan sa kinatumyang bahin sa nasud Pilipinas tungod sa pinakalit nga pag-aresto niini kagahapon March 11, 2024.

Sibilyan, empleyado sa gobyerno, ug sa pribado mipadangat sa ilang gibati pinaagi sa candle lighting ug pinaagi sa social media gani sagad reaksyon sa katawhan mao ang kalagot ug kaguol.

Sumala pa sa kaugalingong anak ni former President Rodrigo Roa Duterte nga si Veronica Duterte nga wala kini tuguti nga mahatod sa hospital, dugang pa nga hinay-hinay na kini nga naga pangluya matag minuto nga anaa sa PAF Villamor Airbase.

Giawhag sab ni Hon. Pilar Braga nga miyembro sa 20th Davao City Council ang katawhan nga kinahanglang magtinabangay sa pag-ampo alang sa paspas nga pag- sulbad sa maong problema ingon man sa pag-baton og igong kusog ug maayong panlawas ang kanhing presidente sa nasud.

Lakip sab sa nabalaka ang lain pang miyembro sa konseho sama nila Hon. Davao City Vice Mayor Melchor Quitain ug Hon. Jesus Joseph Zozobrado III mahitungod sa pangidaron ug sa status sa panlawas ni FPRRD.

RadyoMaN Kareen Beltran