Sowa-sowa el hacida

8

Mismo ya el barangay chairman del Sinubong si Enricleto Casepe ya habla que gendeh amo el lavida del techo del covered court na Sinubong National High School poreso este ya cay enantes aga mientras ta man clase maga grade 7 estudiante.
Despues lang del soseso dayun ya pwede man entrevista el DXRZ RMN Zamboanga con el Capitan quien uno de aquelios ya ayuda con el sinco maga estudiante victima para lleva na hospital.
Asegun con Casepe taman clase el maga bata amediante del aguasero cuando ya nota estos y maga maestra que ta abaha ya pocopoco el techo.
Porcausa con este ya grita el maga maestra con el maga estudiante para corre perro ya alcansa pa siempre el cahida del techo con el sinco estudiante.
Asegun conel Capitan nuay el barangay y el escuela accepta con el covered court durante el turnover porcausa ya nota sila gendeh amo el hacida del techo donde bien hapa este y pronto lang cay como cosa ya pasa.
El covered court 10 meses pa lang ya pasa cuando ya caba hace con este.

Facebook Comments

From Advertisers