Nasa mahigit 5,500 piraso ng basura ang nakolekta ng Municipal Environment and Natural Resources Office (MENRO) Pozorrubio sa isinagawang Palit-Basura, Refill Day at Community Pan-Tree noong Hunyo 12, 2026.
Batay sa ulat ng MENRO, kabilang sa mga nakolekta ang 2,697 piraso ng PET bottles, 2,650 tetra packs, at 200 piraso ng laminates.
Bilang kapalit ng mga naipong recyclable materials, namahagi ang MENRO ng kabuuang 300 litro ng home care products at 50 punla ng puno.
Kabilang sa mga ipinamahaging produkto ang liquid detergent, fabric conditioner, hand soap, disinfectant bleach, at dishwashing liquid.
Nakilahok din sa aktibidad ang pamunuan ng Barangay Palacpalac.
Ayon sa MENRO, ibebenta sa junkshop ang mga nakolektang PET bottles habang ang mga tetra packs naman ay gagawing eco-bags at iba pang alternatibong lalagyan sa pamamagitan ng upcycling. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
