Davao City- Girekomendar sa Sta. Ana Police Station nga pabutangan og steel matting fence ang parking area sa usa ka iladong habog nga mall sa may Bajada ning syudad.
Sa interbyu sa RMN Davao kang Police LTCol. Ronald Lao, Sta Ana Police Station Commander, kini aron malikayan ang mga insidente human karong tuiga duha na ka mga indibidwal ang namatay human mahagbong sa susamang area.
Gikumpirma ni Lao nga namatay ang 21 anyos nga batan-on pasado bandang alas- 9:50 kagabie human kini napalgan sa duty guard sa maong mall nga nakakulob na sa yuta.
Naistorya pa ang biktima pasado alas-6 sa gabie atol sa insidente ug dali kining gidala kagabie sa Southern Philippines Medical Center.
Limitado usab ang impormasyong nakuha sa kapulisan sa inahan niini kagabie sa ospital.
Gisulayan usab sa DXDC Team og adto ang pinuy-anan apan wala usab kitay na-interview mga kabanay.
RadyoMaN Aimee Guinita
Facebook Comments
