Davao City- Nadala sa Southern Philippines Medical Center ang upat ka pasahero sa Public Utility Jeepney ug driver human nangaangol sila sa natigayong disgrasya sa South Bay, Agdao ning siyudad bandang alas 3:00 sa hapon.
Giila ang mga biktima nga mao sila Patrick Louie Dequiña, Glenn Arevalo, Psyche John Nuesca, Mariel Apan, ug Rosendo Acala,Jr. (Driver), pulos hamtong ang mga pangidaron, mga residente sa dakbayan sa dabaw.
Subay sa report, samtang naglawig ang ilang gisakyan sa maong lugar kalit na lamang dunay laing behikulo nga naghaguros og padagan kalit mibangga kanila ug silang tanan nangalamba sulod sa pasaheroan hinungdan nangaangol sila.
Apan ang behikulo nga mibangga kanila imbes nga muhunong ug tabangan ang mga biktima mipaturatoy hinoon kini padagan palayo sa lugar.
Paspas sab miabot ang medic team ug gidala sila sa SPMC nga luwas na sab sa makuyaw nga kahimtang subay sa pinakaulahing medical bulletin sa mga biktima.
RadyoMaN Joel Viray
Facebook Comments
