Giduso ni Senador Panfilo Ping Lacson sa Senado nga imbestigahan ang subling pagsaka sa insidente sa pagpatay sa tibuok nasud tungod sa hugot nga kampanya sa iligal nga droga ubos sa administrasyong Duterte. Duda si Lacson nga kanhi PNP Chief nagduda nga state-sponsored kon gipaluyohan ang kamatay nga natala sa matag adlaw ,sa bana-bana misaka na sa 10-mil segun sa record sa Commission on human rights head Chito Gascon ang napatay sa war against illegal drugs.
Usa sa maka alarma ang nahitabong tinuyo nga pagpatay sa 17-anyos nga si Kian nga unang gipagawas nga nisukol sa pulis, apan diay matawag nga salvage tungod kay nakita sa CCTV Footage nga gibinaklid ang batan-on dayon gipusil samtang naka dapa. Gani kagahapon sa hapon gihimo na ang Senate Investigation diin ni atubang sa hawanan sa senado sila si PNP Chief Director General Ronald Dela Rosa kauban ang tulo ka mga police nga gitudlong midampot ug mipusil ni Kian Delos Santos.
Isip Chairman sa Senate Committee on Public Order and Dangerous Drugs na-alarm si Senador Lacson sa grabing paglobo sa shooting incident sa tibuok nasud,apan sa kasamtangan walay klarong action sa PNP aron madakpan ug masulbad ang crime incidents sa homicide ug murder. Sa nakuhang record ni Senador Lacson maka-alarma nga sulod sa usa lang ka adlaw sa Manila,Bulacan ug CAMANAVA area mo abot sa 32 ug 24 ang napatay gawas pa sa ubang lugar sa Pilipinas.Isip kanhi Pulis aminado ang Senador nga dako ang implikasyon sa goberno sa nahitabo sa palibot labina nga kanunayng gipangandakan ni Pangulong Rodrigo Duterte nga patyon ang mga tawong nalambigit sa operasyon sa droga. Giseguro ni Senador Lacson nga ma nubag ang Philippine National Police kay may public accountability nga mi-resulta sa unnecessary and unjustified deaths.
Apan ang Gensan City Police Office nghimakak nga state-sponsored ang patay nga nahitabo sa syudad ug tibuok nasud sumala pani OIC City Police Director Sr/Supt. Romeo Ruel Berango nga dugo-on man ang kampanya batok illigal nga droga apan dili suportado sa goberno ang pagpatay kon dili nahitabo nga may namatay tungod kay dili malikayan may mosukol atol sa operasyon sa kapulisan .
Pero atol sa speech ni Presidente Rodrigo Duterte niadtong milabayng adlaw bisan pa sa ubang public statement ,iya man gyud gimando ug gipangandakan nga patay gyud ang pusher, user kay kon walay tigluto ug shabu,walay ga-distribute walay droga,apan giklaro niini nga kinahanglan nga kon maka patay ang Police kaha ang sundalo inline sa ilang trabaho ,pero wala gyud gi-angkon sa Pangulo nga kining ejk may kalabutan ba ang estado .
Walay problima sa patay nga ang adik o pusher namatay sa legitimate operation ang question karon kining mo-abot na sa halos 8-thousand nga namatay nga gi- pusil sa gitu-ohang liquidation squad,vigilantes,DDS dili malikayang mahadlok mag- duda sa goberno sa PNP ang katawhan nga sila ang ana-a sa likod, ang Police ang may pakana, dili man sila ang personal nga nahimong triggerman kay dunay mga report nga kining gunman mga alpha o asset lang kono sa police, pero may police gyud daw nga mopatay ug drug pusher even addict kay may patong sa ulo, sama atong gi-announce ni Digong sa Ozamiz City nga si kinsa man ang makapatay sa mga police scalawag nga kauban sa mga Parojinog, 2-million ang reward, so kining maong sestima dili layo nga may bounty hunter nga men in uniform nga mopatay sa mga nalambigit sa iligal nga droga,dinhi lang sa Gensan pila na kapatay ang na- tala last week lang sunod-sunod,riding in tandem ang suspect wala nadakpan busa walay nakasuhan karon kinsa may dili magduda nga police ang may pakana? Ngano nga dili ma-undang, dili masulbad samantala naka heightened alert kay Martial law nganong dili madakpan ang gadala-dala ug armas nga gigamit sa pagpamusil kinsa man ang makadala-dala karon ug armas diba sundalo ug Police lang ug mga tawo nga gitugotan sa police nga makadala ug armas.
Ang Commission on Human Rights CHR Commissioner Gwendolyn Pimentel Gana nga dili suportado ang kamatay sa goberno bisan pa ang Extra Judicial Killing gi-tataw ni Commissioner Gana nga may mga Police o men in uniform nga scalawags nga maoy ni-abuso sa kampanya batok war against illegal drug, busa kini dapat ang imbestigahan sa kagamhanan o kon dili mo-action ang estado matawag kini nga EJK.
Ang kanhi CBCP President Archbishop-Emeritus Oscar Cruz mipadayag nga pabiling posisyon sa simbahan nga undangon ang pagpatay ug ipatuman ang balaud ug nga pasakahan ug kaso ang mga nalambigit sa iligal nga droga. Sobra na tama na ang pagpatay angayang bilanggo-on ang akusado hatagan ug due process dili kay wala pa nahukmang sad-an pero gipatay na. Sa akong tan-aw public knowledge na nga si Pangulong Duterte, gustong pamatyon ang pusher,addict ug drug Lord, dili man makita ang ebidensiya kay lisod pamatud-an kon Police ang gahimo aning pagpamatay o kaha sila ang naga plano gamit ang vigilante, gawas pa kon sugo sa Presidente, funded by the Government kay lisod na mo-usad ang imbestigasyon kay sa pagkatinuod kong ang Police ang mopatay unya sila rasa bang mo file ug kaso, alang-alang kon sila mismo ang mokuhag bato nga ilang ipuk-pok sa ilang kaugalingong ulo,gawas pa imporante ang witness kinsay ba ang dili mahadlok kon ang imong kontra Police may armas may connection. Mao bitaw nga ang witness kalit ma wala,kalit mo baliktad kay gina harass gina hadlok kay lagi armado,kon makasuhan man galing ang Police dili madakpan,sama ni Boy Acharon, Police Official nakasuhan sa pagpatay ni Kasamang Dennis Cuesta, karon gawasnun pa,naay warrant pero wala gidakop kay official sa Police ilado pa nga pa- milya diri sa GenSan. Makaduda kay sunod-sunod ang pusil, dili madakpan usa ra ang pattern sa pagpatay riding in tandem tapos ang biktima gipalabas nga involve sa shabu.
Sa mga isyo sa collateral Damage sa kamatay dili lang sa droga lakip na ang teroristang kalihukan tulobagon ang tanan sa Goberno kay dayag nga ang estado labina ang Police nga Protector of lives and properties unta ang kongreso mohimog lakang nga makapanday ug balaud nga ma-undang ang kremin ug may safe guard gikan sa pagpangabuso kay basi sa batakang balaud sa Article Xlll Social Justice and Human Rights Section 1.The Congress Shall give highest Priority ot the enactment of measures that protect and enhance the right of all the people to human dignity. Tama lang ang gihimong imbestigasyon sa senado kay bisan tuod kung may critic nga walay pulos kining congressional ug Senate Inquiry at least conscious ang goberno ug magbantay sa ilang lakang kay para naku mas ma- aware ang publiko sa panghitabo ug madunggan ang testimonya sa matag parti at the end of the day may term limit ang government official,dili man mapatubag karon-karon dayon ang opisyal labina kon duol ka sa luwag kay pabilin paman sa gihapon ang weather-weather system pagkatapos sa termino basin kon may ma hospital arrest o kaha madugta sa bilanggo-an ugma damlag, dili lang unta ma- limtan nga dili mo lungtad sa impunity ang pang goberno, dili sab limtan nga may balaud nga atong gisunod,due process nga gi-garantiya sa Constitution nga gibasi sa kasugu-an sa almighty God o Dios nga atong magbubuhat !
