Suawan road crash: 1 patay sa nahulog nga tanker truck

40
Davao City – Patay ang driver sa tanker truck human nahulog sa sapa sa Suawan, Marilog District, syudad sa Davao.

Giila sa otoridad ang namatay nga si Ponciano Flores Didora, hingkod ang edad, taga-Monkayo Davao De Oro, samtang si Jerwin Tomiclas Guinandam, naangol ug residente sa Barangay Bunawan, Davao City, human nadisgrasya ug nahulog ang tanker truck ala 1:00 sa kaadlawon sa Suawan River sa Lower Lamitum, Brgy.Suawan, Marilog District ning syudad sa Davao.

Sa esklusibong interbyu sa DXDC RMN Davao kang Police Major Amante Nozares, Station Commander sa Marilog Police Station, ang tanker adunay kargang chemical gikan sa Iligan padulong sa Brgy.Bunawan ning dakbayan, apan pag-abot sa nasampit nga lugar kalit nga dunay misugat nga wala mailhing sakyanan hinungdan mibangga sa poste ug natumba dayon diretso og kahulog sa pang-pang nga gibana-banaang adunay 15 feet ang gilawmon.

Gidugang ni Nozares, ang maong tanker truck wala pa nakuha ug kinahanglan kuhaon
ang chemical una birahon aron dili modagayday ang kemikal padulong sa Suawan river.

RadyoMan Don Pulayao

Facebook Comments