Sa interview sa RMN Malaybalay ngadto kang Major Francisco Garello, Chief sa Public Affairs Division sa 4th ID, gibutyag niya nga hugot nilang gisuportaan ang mga lakang sa kapulisan ilabi na sa pagpahamtang sa kahusay ug kalinaw sa umaabot nga Eleksyon.
Mag deploy sumala pa og mga personnel ang Philippine Army ilabi na sa mga tulunghaan kung asa ipahigayon ang piniliay.
Tinguha matud pa nga magpabilin ang kahusay ug kalinaw sa eleksyon maong hugot karon ang pagpangandam sa kapulisan ingon man sa suporta sa kasundaluan.
Lakip usab sa deployment sa kasundaluan ang mga Citizen Armed Force Geographical Unit (CAFGU) ilabi na sa mga kadalanan alang sa mga checkpoints.
Bisan paman sa hugot nga monitoring sa palibot, dili matud pa pasagdan sa kasundaluan ang ilang mga focused-military operations ug padayon gihapon kining gina-implementar.
