Survey result sa SWS mas katohoan

Davao City- Kumbinsido si Akbayan Partylist Representative Tom Villarin sa survey sa Social Weather Station kung asa mikunhod og 18% ang trust rating ni Pangulong Rodrigo Duterte tungod sa Extra Judicial Killing.

Sigun ni Villarin, ang pagkunhod sa trust rating ni PRRD gumikan kini sa pagkalambigit sa mga pulis sa EJK nga nagpatandog sa pagsalig sa katawhan ngadto sa gobyerno subay sa drug war.

Nagtoo si Villarin nga lahi ang linyada sa pangutana sa SWS ug sa Pulse Asia dihang gilusad ang survey sa dul-ang tres mil ka respondents sa tibuok nasud.


Kung unsa man kalagapak ang satisfaction ni PRRD sa SWS ingon niini usab kataas sa Pulse Asia kung asa 80% sa mga pinoy misalig gihapon sa drug war sa kagamhanan.

Pero sigun sa magbabalaod, sutaon usa niya ang matang sa pangutana nga gigamit sa Pulse Asia aron makakomento kini base sa porma sa survey nga gigamit sa duha ka survey institutions.

Base sa resulta sa SWS, mitala og 48% trust rating si PRRD ug mas ubos itandi sa 66% sa 2nd quarter kun 18% ang pag-ubos diin gihimo ang survey niadtong Setyembre 23-27.
Sa Pulse Asia, nakuha ni PRRD ang 80% satisfaction rating diin gilusad ang survey gikan Setyembre 24-30 karong tuiga.

Ang Pro ug Anti-Duterte pareho nagduda nga basin nagamit sa mga politiko ang SWS ug Pulse Asia aron ikondisyon ang hunahuna sa mga tawo.

Apan dili motoo si Villarin niini nga pareho gigamit sa mga politiko ang duha ka survey institutions.

RadyoMan Joel Viray

Facebook Comments