Segun ni Lt. Col. Jeffrey Latayada, hepe sa Tagum PNP, dili malilong sa publiko ang mga nagapanghitabong krimen sa dakbayan sa Tagum, hinoon kon itandi sa dihang lahi pa ang hepe, mas taas ang mga kaso sa pamatay, lugos ug uban pang heinous crimes sa nakalabay’ng mga katui- gan apan hinay-hinay nang nakunhoran ubos sa iyang liderato karon.
Matod ni Latayada, pipila sa mga krimen nga nasulbad na human naduso na sa korte naglakip sa mga kasong lugos, pamatay ug uban pa gawas sa bag-ohay nga lungkab sa tindahan sa usa ka mall ug tulis sa usa ka tindahan sa terminal nga padayon pa nilang gitutokan, hinoon may mga ‘persons of interest’ na silang gisubay karong panahona.
Sa kinatibuk-an, nagpabiling malinawon ug luwas ang entero Tagum City luyo sa kakulang sa ilang puwersa, apan nahimo gihapon nila nga bantayan ang syudad gikan sa mga dautang elemento.
RadyoMaN Joel Viray
